حوزہ نیوز ایجنسی کی رپورٹ کے مطابق، قم المقدسہ میں "دنیا کو منجی موعود کی ضرورت" کے عنوان سے ایک اہم پریس کانفرنس منعقد ہوئی۔ اس کانفرنس کا مقصد اس عالمی مہم کے مقاصد، سرگرمیوں اور مستقبل کے لائحہ عمل کو واضح کرنا تھا۔ یہ مہم حضرت امام مہدی (عج) کے ظہور کے انتظار اور امام علیہ السلام کے عالمی انقلاب کے پیغام کو دنیا بھر میں پھیلانے کے لیے شروع کی گئی ہے۔
مہم کا مقصد: امام مہدی (عج) کے ظہور کے عقیدے کو دنیا بھر میں عام کرنا اور امت مسلمہ کو ان کے عالمی انقلاب کے لیے فکری، ثقافتی اور روحانی طور پر تیار کرنا۔
سرگرمیاں اور پروگرام:
ویبینارز اور آن لائن کانفرنسز کے ذریعے مکتبِ انتظار کے پیغام کو عام کرنا۔
مذہبی تقریبات، دعا و مناجات کی محافل اور علمی نشستوں کا انعقاد۔
فلموں، دستاویزی پروگرامز اور ثقافتی نمائشوں کے ذریعے امام مہدی (عج) کے عالمی کردار کو اجاگر کرنا۔
شرکت کے ذرائع: عوام کو سوشل میڈیا، ویب سائٹس، اور مقامی اجتماعات کے ذریعے اس مہم میں شامل ہونے کی دعوت دی گئی ہے تاکہ زیادہ سے زیادہ افراد اس پیغام کو پہنچا سکیں۔
نوجوانوں کا کلیدی کردار: اس مہم میں نوجوانوں کو خصوصی طور پر شامل کرنے پر زور دیا گیا ہے تاکہ جدید ڈیجیٹل اور تخلیقی ذرائع سے امام مہدی (عج) کے پیغام کو دنیا بھر میں پہنچایا جا سکے۔
بین الاقوامی سطح پر وسعت: مہم کو صرف ایران تک محدود نہیں رکھا جائے گا بلکہ اسے عالمی سطح پر متعارف کروانے کے لیے مختلف زبانوں میں مواد کی تیاری اور بین الاقوامی میڈیا پلیٹ فارمز پر نشر کیا جائے گا۔
میڈیا اور ڈیجیٹل پلیٹ فارمز کا کردار: انتظامیہ نے جدید میڈیا اور سوشل نیٹ ورکس کے مؤثر استعمال پر زور دیا تاکہ اس مہم کو زیادہ سے زیادہ لوگوں تک پہنچایا جا سکے۔
واضح رہے کہ یہ مہم ولی عصر حضرت امام مہدی (عج) کے ظہور کے انتظار مزید تقویت دینے، اسلامی معاشروں میں امام کے عالمی عدل و انصاف کے پیغام کو فروغ دینے اور لوگوں کو اس فکری و روحانی تحریک کا حصہ بنانے کی ایک اہم کوشش ہے۔
آپ کا تبصرہ